台語詞 /大可

土地有日頭香

風有青草味

白鷺鷥飛過田墘

這是田園詩人的歌詩

咱祖先攏在這種作

堀出田園一大片

種作青菜、甘蔗 稻仔或是蕃藷

空氣有花蕊香

水有甜甘味

菱角鳥跳過田埤

這是凌波仙子的舞池

咱祖先嘛在這開墾

堀出埤塘和水池

種作菱角、蓮藕 養鴨或是養魚

犁田開埤在美麗島

住在台灣世界上界好

人人打拼骨 (努)力作

流汗種作沒煩沒惱

天公伯仔有保庇

天公伯仔有保庇

守護咱的家園和田地

保庇咱的子孫和世小

天公伯仔有保庇

天公伯仔有保庇

五穀豐收歌詩滿厝第

六畜興旺快樂是咱的

土地有日頭香

水有甜甘味

菱角鳥來跳舞 白鷺鷥飛過田園

天公伯仔在保庇 ……