「阿發叔姆！有人在無？」，見擺吾 娘阿美仔轉苗栗頭份.仁愛路老屋.時節；兜就會順涉欸去看歇著斜對面.阿發叔姆，去厥屋家佢相借問仔。

 「麼人啊？有在哩！」阿發叔姆跎屋肚慢慢欸行出來，頭那臥起來「喲！春賢囉！

阿美仔，倆儕哪久轉？」雖然厥背囊骨年勢年緊來緊痀背欸，耳公也有兜仔背欸，無厥目珠還是異好，還認欸出兜老鄰舍。「叔姆恁久好無？有去哪.無？」問佢，「無！腳氣無異好欸，哪都無想去！」佢講。

「若心臼去哪仔，怎無看到？」又再過問佢，「毋知欸！毋知佢行去哪仔！」講到厥心臼是東勢人，嫁分厥賴仔以前就降有一.賴仔；因爭這.前人子後叔仔合毋來，自家出去尋頭路半工半讀異久無看著佢欸。叔姆厥賴仔幾年前因爭平常好食酒發著糖尿病，又無去分先生看有一日仔跎自家屋肚.檯排項跌下來；頭那發傷就這樣毋好忒過身仔，記得阿姆過身.時節佢還有來攆香正得哩。

「阿美仔去市場，一下仔正轉來看妳；無出去啦好？」又問佢，「無啦！無啦！」
知厥牙齒歸嘴就是用套.，硬.東西佢無法度食就買一碗仔鹹.水粄仔拿轉來分
佢食；「叔姆！買一.鹹.水粄仔分妳食！」，「春賢！你怎恁細義諾！又無脈該好
分你，什采喔！」；「叔姆！一息仔啦無脈該啦，有轉來正有.啦；頭擺聽吾唔媽講兜還小.時節，叔姆儘會相惜欸。叔姆！妳就慢慢仔食，阿美仔愛轉台中去欸。」

「恁會相惜逐擺都吃若東西！好啦，車仔駛慢兜仔！有閒正轉來.！」阿發叔姆企著門項倆儕蝶手，「叔姆，身體愛保重，來轉！」兜轉頭蝶手；車仔緊行緊遠去欸。